Val di Susarekin (Italia) elkartasun ekintza Iruñean

Mugitu!Mugimenduak /Argazkia: Ekinklik                                                     (CASTELLANO)
Urtarrilaren 29an  goizeko 11etan Mugitu! Mugimenduak Italiak Iruñean duen kontsuletxean ekintza bat burutu du. AHTri desobedientzia aldarrikatzen duen ekimen honen bi partaide kontsuletxeko balkoira igo eta pankarta bat zintzilikatu dute Val di Susako AHTaren aurko mugimenduak pairatzen duen errepresioa salatzeko, azpiegitura honen aurkako bi bandera paratzen zituzten bitartean. Bukatzeko, mastan zegoen italiako bandera bildu eta bere ordez AHTaren aurkako bandera zintzilikatu dute, Italiako iparrean dagoen ibar honetakoa. Italiako kontsula ekintzaz ohartu eta balkoira atera da; ekintzaileen aurrean polizia nazionalari deitu dio, esku har zezan eskatuz. Behin ekintza amaituta, ekintzaileak desagertu egin dira polizia nazionala iritsi baino lehen. Polizia nazionalaren komisaria kontsulatutik 100 metro eskasera dago.
Ekintza honen helburua Italiako estatuak Val di Susan AHTren oposizioaren aurka burutzen ari den errepresio polizial-judizial bortitza salatzea izan da, eta, aldi berean, Euskal Herriko AHTren aurkako mugimenduak borroka eredugarri horrekin elkartasuna adieraztea. Azpimarratu behar da une honetan azpiegitura horren aurka borrokatzeagatik kartzela zigorrak betetzen ari diren bi emakume aktibistak gose greba egiten ari direla.
Ekintzaren agiria beherago

AL DI SUSAREKIN ELKARTASUNA. AHTa EZ DA PASATUKO!

Ekintza honen helburua da Val di Susan AHTaren oposizioaren aurkako etengabeko errepresio polizial eta judiziala salatzea eta oposizio osoari elkartasun mezua bidaltzea, bereziki errepresio hori gehien jasaten ari direnei.

Val di Susa Italiako ipar-mendebaldeko eskualde menditsu bat da, non 90eko hamarkadatik, Alpeak zeharkatuz tunel luzeen bidez Frantziarekin lotuko lukeen abiadura handiko proiektuaren aurkako borroka gogorra gertatzen den. 31 urteko borrokan, hainbat mobilizazio egin dira, proiektuaren ingurumen- zein jendarte-inpaktu handiak eta haren atzean dauden interes ilunak salatzeko.

Val di Susan 120.000 pertsona inguru bizi dira, eta egunero milaka polizia eta militarren jarduerak pairatzen dituzte haranean, militar horietako asko Afganistango inbasiotik datozelarik. Zonaldearen militarizazioa ikaragarria da. Espetxeratzeak, atxiloketak, isunen ezarpena, jazarpena eta oposizio-mugimenduaren kriminalizazioa etengabeak dira. Prozedura judizialak manipulatu eta gaindimentsionatu egiten dira, eta gainerako prozedurak baino askoz ere gehiago bizkortu eta zigortzen dira. Azken urteotan 664 urteko kartzela zigorrak, 790.000 euroko isunak, 5 pertsona kargu publikoetarako gaitasunik gabe utzi dituzte eta 1.000 pertsona baino gehiago ikertu ditu poliziak.

Gaur egungo balantze errepresiboa honako hau da:

– Bi emakume ekintzaile, Dana eta Fabiola, kartzelan daude, bi urteko zigorrak betetzen. Une honetan gose-greban daude beste preso batzuekin, pandemiaren ondorioz bizi behar duten kartzelako baldintza gogorrengatik.

– 6 pertsona etxeko atxilotzea pairatzen ari dira.

– 30-40 pertsona AHTren obrak egiten ari diren udalerrietan sartzea debekatzeko agindua dute.

– Duela gutxi, 2 urte eta 9 hilabete arteko 32 zigor irmo ezarri dira obrak okupatzeagatik, agintaritzaren aurkako atentatuagatik eta erresistentziagatik akusatuta.– Ehunka pertsona epaiketaren zain daude.

Euskal Herritik, AHTaren oposizioaren aurkako jazarpen ororen amaiera exijitzen diogu Italiako gobernuari, eta, aldi berean, AHTak hemen, Italian eta munduko edozein lekutan suposatzen duen proiektu suntsitzaile, xahutzaile eta antisozial hau geldiaraztea eskatzen dugu.

STOP repressione in Val di Susa. Stop TAV.

Dana, Fabiola eta besteak libre!

mugitu.blogspot.com

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

Blog de WordPress.com.

Subir ↑

A %d blogueros les gusta esto: