XReko (Suntsipena ala Matxinada) 1.000 ekintzaile baino gehiago auzitegietara

XRk hiru «matxinada» antolatu ditu azken bi urteetan, larrialdi klimatiko eta ekologikoaren gorakada nabarmentzeko eta gobernuaren premiazko ekintza eskatzeko. Protesta baketsuak izan dira. Londresko gune handiak geldiarazi zituzten, eskuineko egunkarien errotatiben blokeoarekin eta erregai fosilen enpresen blokeoarekin. XRren arabera, 3.400 pertsona baino gehiago atxilotu zituzten, guztira 1.700 akusatu. Leporatzen zaizkien delitu gehienak txikiak dira, ordena publikokoak, errepidea oztopatzea bezala. Haietatik 900 pertsona inguru erruduntzat jo dira eta beste 800 epaitu dituzte edo euren egunaren zain daude auzitegian.

XRko aktibistak prest daude ekintza horietan parte hartzeko, larrialdi klimatikoari buruzko premiazko neurriak hartzera behartzeko, eta beren gain hartzen dute horrek ekar dezakeen errepresioa eta kriminalizazioa. Horren barruan sartzen dira 65 urteko eta 20 urteko pertsonak, lanbide eta baldintza guztietakoak. Pertsona horietako askok urteak daramatzate ingurumen-kanpainetan parte hartzen, baina gehienentzat aktibismoan parte hartzen duten lehen aldia izan da, baita zigor-arloko justizia-sistemarekin topo egiten duten lehen aldia ere.

Delitu txikiengatik hainbeste pertsona epaitzeko erabakia oso ezohikoa da. XRren aburuz  delitu txikiengatik hainbeste pertsona epaitzeko erabakia oso ezohikoa dela, batez ere eskala horretan, eta erabaki politiko baten ondorio dela uste dute.

Barne Arazoetako idazkariak, Priti Patelek, XRak «Erresuma Batuko bizimodua» mehatxatzen zuten kriminaltzat jo zituen. Poliziak ere haien kontra jo dute. 2019ko apirileko protesten ondoren polizia oso kritikatuak suertatu ziren. 2019ko azaroan, lau egunetan, 1.000 pertsona atxilotu zituen Poliziak. Bere kasuak artxibatu eginez.

XRren azken kanpaina «diru-matxinada» izan da, krisi ekologikoan «ekonomia politikoaren konplizitatea» azaltzeko desobedientzia zibil eta finantzarioaren kanpaina. Kanpainan zorraren eta zergen grebak egin dituzte, eta jendeak erregai fosilen proiektuak finantzatzen dituzten bankuetatik ateratzen zuen dirua, eta horrela, bankuen maileguak justizia klimatikoaren alde borrokatzen diren lehen mailako erakundeetara bideratuko lituzke.