Izenburua: Limoges: errepresioa eta bidegabekeria instituzionala.
Azpititulua: Poliziaren errepresioak eta bidegabekeria instituzionalak biktimak utzi ditu Limogesen (Frantzia).
Itxaropenaren garra jende askoren barruan piztu zen urriaren 17an Limogesko kaleetan. Ikasleak, merkatariak, nekazariak, ekologistak, anarkistak, komunistak… bizitza eta natura ito, estutu eta urratzen dituen sistema zapaltzaile baten aurka batu ziren ideologien eta bizi-jarreren multzo oso bat. Martxa udaletxera iristen joan zen; beste norabide bat har zezakeen, baina, egia esan, zentzua zuen hara hurbiltzeak, “Mairiea” milaka pertsonak manifestatzen zuten erabakiak hartzearen sinboloa da.
Talde batek udaletxeko leiho batzuk apurtu zituen eta piztu zuten suak eraikina erre zuen. Dorre historiko ospetsua sutan erre zen.
Bideoak daude, pertsona askok beren mugikorretako pantailen bidez ikusi zituzten gertaerak; baina bakar batean ere ez da inor bereizten sutearen erantzuletzat jotzeko. Badakigu, zoritxarrez, frogarik ez izateak ez duela inor salbuesten “justiziak” akusatzetik.
H. eta Y. justiziaren biktimak izan dira.
Hk, 34 urte ditu. Familiak eta ezagutzen dutenek honela deskribatzen dute: “gazte sentibera, natura maite duena eta indarkeriarik gabea”. Gazte bat atxilotu dute frogarik gabe. Naturaren defentsarekin konprometitutako gaztea. Limousin mendietako biztanleekin harremanak dituen gaztea. Epaiketa baino lehen komunikabideetan akusatutako gaztea. Gazte estigmatizatua hainbeste milaka pertsonaren borrokarekin bat egiteagatik. Errugabe gaztea.
Eta Yk, 66 urte ditu. Igeltseroa, poeta, artista, maitekorra. Frogarik gabe atxilotu dute. Akusatua epaile baten epaia baino lehen. Estigmatizatua, hirien aldiriak estigmatizatzen diren bezala, pobretutakoak, arrazializatuak, soldatarik gabekoak, gutxiengo kolektiboak, mendietako jendea, migratzaileak.
Fiskaltzak orain arte ez du bere erruduntasunaren frogarik txikiena ere aurkeztu. Hri. eta Yri., besteak beste, gaizkile elkarte bateko kide izatea leporatzen zaie. Gaizkileak dira gaizkia egiten dutenak. Zein da sistema definitzen duen gaitz hori? Nor dira onak? Hona hemen Limousingo Mendien Batasunaren hitzak (urriaren 22koak):
“Kaosaren alderdirik baldin badago, mundu hau bizigarri egiten duen guztia suntsitzea gupidagabeki, merkataritza-egoskorkeriaz, bilatzen dutenena da. Zolatu, pozoitu eta bonbardatzen dutenak. Animaliak akabatzen dituztenak. Emakumeak, atzerritarrak, LGBTQIA + pertsonak eta beste guztiak gorrotatzen dituztenak.
Arpilatzailerik badago, mea baliotsuen bila Lurra destripatzen dutenak dira, lurpeko ura megaurtegietara ponpatzen dutenak, bota eta kolonizatu egiten dutenak.
Herriaren haserrerako entrenamendu-eremuak badaude, bigarren mailako eskola osasungaitzak, minaren fabrikak, metropolien bazterreko auzoak, mugetako hortz-hariak eta Bolloreren pantailek lapurtutako atseden-ordu urriak dira. ”
Urriaren 23an, dozena bat senide baino gehiago, lagunak eta prentsa, Gune Judizialean elkartu ginen (espetxearen ondoan), askatasun-epailearen epaiaren zain (egun horretan bertan egingo zitzaien, epaiketetako azken egunean). Euripean zain egon ginen, hotzak janda, 10 ordu baino gehiago espaloi estu barregarri batean zutik. Ate batek bereizten gintuen sarrera debekatuta genuen esparrutik: estalitako aterpe handi bat eta eraikinaren barnealde beroa.
H. inkomunikatuta zegoen asteartetik. Eta ostegunean atxilotu zuten. 24ko goizaldean Poitiersera eta Bordeauxera bidali zituzten, hurrenez hurren.
Akusatuen defentsak konbentzituta atera ziren jasaten ari ziren bidegabekeriaz. Errekurritu egingo dute. Datorren azaroaren 4ean, goizeko 10:30tan, baldintzapeko askatasun eskaera aurkeztuko dute.
Gure babesa bidali nahi diegu H. eta Y-ren inguruko familia eta lagunei, gainera orain talde faxisten mehatxuak ere jasaten dituztela. Eta beraiei elkartasuna adierazi nahi dietenei, kausa ahal duten moduan babestera animatzen ditugu: beren herrietan manifestazioak antolatuz, artikuluak idatziz, laguntza ekonomikoa emanez, kasuaren nondik norakoak zabalduz…
Jar dezagun zalantzan nortzuk diren biolentoak, zalapartariak. Elkartasuna adieraz diezaiegun mundu berri baten alde erakundeen botereari aurre egiten diotenei.
Auzipetuentzako askatasuna, polizia-muntaiarik ez.
Informazio gehiago
H.ren senitartekoen hitzak.
https://labogue.info/spip.php?article2609&lang=fr
Limousineko mendiko herritaren hitzak:
https://labogue.info/spip.php?article2607&lang=fr
Descubre más desde
Suscríbete y recibe las últimas entradas en tu correo electrónico.
Deja una respuesta